Hau da Jesusek proposatzen duen erregealdia: bizitza ematea neba-arreben, berdinen, askeen, arduratsuen herri egiteko, Jaungoikoa bere semealaba guztiekin esertzen den mahaia posible egiteko.

Zer egiten dugu atzeraezinak diruditen egoerekin eta Estatuen demokrazia menderatzen duten multinazionalen izenak dituztenekin, enpresa ukiezinen egoera kutsakorrekin, finantza-marrazoen interesek sortutako errefuxiatu klimatiko eta ekonomikoekin, zaurgarrien sufrimenduaz axolarik ez duten bizimodu hedonistekin…?

“Piztueraren intuizio horiek noizbait agertzen dira zure bizitzan ere. Gogoan izan, zure onerako gertatzen den eta zure esku ez dagoen eta zuk eragin ez duzun hori noizbait sumatu duzunean, oparitu egin zaizula eta zure bizitza bakez eta alaitasunez bete izan duela”.

“Zer gertatu ahal izan da pertsona honen barrualdean bere segurtasunari, bere ondasunei uko egiteko?” Eta Jesusi kontatzen diot nik ere baditudala nire segurtasunak, nire osasuna, nire presentzia, nire estatusa, nire izena… Eta Inazioren otoitza bizitzea aipatzen dit: “Hartzazu, Jauna, eta onartzazu nire askatasun guztia…”

Jainkoak, Abbak, zaren bezala maite zaitu… badu zure akatsen berri zure beharrak direla eta, maitatua sentitzeko beharra duzulako, eta horregatik saltzen diozu arima deabruari; badaki norbait izateko duzun beharraz, eta horregatik erosten dituzu onarpenak; badaki zure sexudun izateaz eta bidea galtzeko duzun aukeraz…

“Hainbeste egoera ez dut ulertzen, oraindik ere gertatzen dira: gerrak, goseteak… Egoera horiei irtenbide bat eman nahi nieke… Kostatu egiten zait ezer egin gabe jasatea… besterik gabe, honako hau erantzuten dit: “Fida zaitez jende askorengan erreakzioak sortzen ari den Jainkoarengan, egoera horiei irtenbideak ematen jardun dezaten”…

“Libra nazazu nire merituengatik norbait izan nahi izatetik”. “Lagun iezadazu konturatzen nire bizitza dohainik pasatzen duzula eta besteekin dohainik erlazionatzen naizela ateratzen zaidala (…)” Jesusi entzuten diot: “Horrela da elkar, nik maite izan zaituztedan bezala, doan jaso zenuten, doan eman”.

“Ikas ezazu Jainkoaren hitz egiteko moduak aurkitzen… Otoitzak zuk entzutea behar du… eta horrek zera esan nahi du, isilune bat egiten duzula buruan dituzun zarata guztiak (kezkak, beldurrak) ahazteko… Zure barnean isiltasuna egiten duzunean, orduan hitz egin diezazuke Jainkoak..”

Jesusi, Nola uzten dugu aberastasunen gutiziak bihotza irabaz diezagun eta ez Jainkoaren maitasun lagunkoiak? Nola bizi gaitezke benetako bizia ematen ez digunari hain atxikirik eta engainaturik? Nola bizi gara infernuko gurpil horretan sartuta, gure bizi-erdigunetik, gure haragizko bihotzetik atera eta neurrigabeko irriketan, errukirik gabeko elkarlehiatan sartzen gaituena, eta hainbeste min egiten dugula? Eta Jesusek erantzuten dit: “Aukeratu bizitza! Aukeratu errukia!”

Gogoan dut esaldia: begira zure gertaerak eta esango dizut non daukazun zure bihotza. Begiratzen dut ea nire dirua kausa justuetan, banka etikoan, jartzen dudan, ea behartsuen, errefuxiatuen, etorkinen, etxerik gabekoen eta emakumeen gizarte-proiektuak bultzatzen ari naizen, ea nire etxean ikusten dudan aldaketa nire familian…