Albisteak

Zein ona izango den graziazko urtea estreinatzea hainbeste pertsona –tratu txarrak jasaten dituzten emakumeak, presoak, ez etorkizunik eta ez orainik ikusten ez duten gizakiak, gosete edo gerrengatik beren lurraldetik irten behar dutenak, hautsitako hainbeste pertsona eta beste hainbeste– denek aukera bat izan dezaten!

Jesusek zera proposatzen digu: “Topa egin dezagun garai berriengatik, Jainkoaren aintzaren garaiengatik, non denok eta, batez ere, historia honetatik gaizkien irtendakoak bizi daitezen: kaleko umeak, migranteak, tratu txarrak jasaten dituzten emakumeak, bihotza hautsia dutenak… “

Jainkoa ez da hainbeste itun bat egiten dugun Norbait eta, inoiz betetzen ez dugunez, Berarekin beti zorretan gaude eta, haren ederrespena lortzeko, opariak, eskaintzak egin behar ditugu. Ez. Fidantzia osoa ematen digun eta aske uzten gaituen Norbaiten antz askoz handiagoa du, eta fidantzia horren indarraz besteak maitatzen eta haietaz fidatzen hasten gara, eta jaso dugun ongia ematen.