Munduan Jainkoaren aurpegia erakusteko moduaren bila gabiltza; eta pertsonen eta elkarteen fedea pizten laguntzeko espazioak sortu nahi ditugu. Fedea ez da lantzen dugun zerbait gehiago, baizik eta hortik bizi eta hazi nahi dugu. Hori da gure erronka, eta egiten ditugun jarduerak horretara bideratuak daude.
Mundu gizakoiagoa eta bidezkoagoa, eta pobreen zerbitzura dagoen Eliza eraikitzeko: gizarteko eta elizako gertaeren hausnarketa kritikoa eta analisia sustatu nahi ditugu; gure garaiko kultura eta erlijioekin elkarrizketan aritzeko eta topaketarako mugako gunea izan nahi dugu, eta justizia sustatu eta sufrimendua sortzen duten errealitateak eraldatzen lagundu.
Hori konpromisotik eta azterketan zorrotzak izanda egiten da, antzeko helburuak dituzten beste pertsona eta erakundeekin sareak eginaz. Pentsamendurako eta hausnarketarako erabiltzen ditugun bitartekoak dira ikastaroak, mintegiak eta hitzaldiak eta elkarrizketarako eta eztabaidarako foroak.
Gizarte arazoekiko sentsibilizazioa, salaketa eta konpromisoa sustatzen ditugu. Pobrezia eta desberdintasunak sortzen dituzten egituren eraldaketarekin konprometitutako herritarrak eraikitzeko lanean aritzen gara, bazterkeria eragiten duten zergatiei heltzen, azaltzen eta salatzen saiatuz.
Hori dela eta, gure hitzaldi, lantegi eta lekukotza askotako gai nagusia justizia sustatzea izaten da; era berean, Jesusen Lagundiko edo gertuko beste erakundeekin eta mugimenduekin bat egiten dugu eta loturak areagotzen saiatzen gara.
Pablo d’Ors apaizak sortutako kristau-meditazioko mugimendua.
“Familiaren ordularia” Kristau Bizitzako Elkarteko (CVX) “SORTU+FAMILIA” proiektuaren zati da Espainian. Proiektu honen asmoa da inaziotar espiritualitatetik bitartekoak eta moduak eskaintzea familiako bizitzari, bikotearen hazkundeari eta seme-alaben heziketari laguntzeko.
NIRE ZAURIAK SENDATU – ESPERE metodoa. Barkamen eta adiskidetze eskolak: Gure amorruak, gorrotoak, ezinikusiak eta mendeku-gogak modu konstruktiboan eraldatuz.
